«ԿԱՄՈՒՐՋ» ներառական թատրոն-ստուդիա
Ծրագիրը նպատակ ունի հաշմանդամություն ունեցող և չունեցող պատանիների շրջանում ամրապնդել գիտելիքներն ու հարգանքը մարդու իրավունքների, ժողովրդավարության, սոցիալական հավասարության և արդարության նկատմամբ։
«ԿԱՄՈՒՐՋ» թատրոն-ստուդիայի տարբեր պարապմունքների միջոցով կզարգանան պատանիների թիմային աշխատանքի հմտությունները, դերասանական խաղի և ստեղծագործելու ունակությունները, արտահայտչական խոսքը, քննադատական մտածողությունը, ինքնավստահությունն ու ինքնագնահատակը։ Ներկայացումների սցենարները կմշակվեն հայկական ավանդապատումների և հայ գրողների ստեղծագործությունների հիման վրա։
Ինտերակտիվ ներկայացումների միջոցով թատրոն-ստուդիայի սաները մարդու իրավունքների, ժողովրդավարության, սոցիալական հավասարության ու արդարության թեմաներով երկխոսություն և ինտերակտիվ քննարկումներ կծավալեն կրթական հաստատությունների իրենց հասակակիցների շրջանում և միասին կհասկանան թե ինչպես են այդ արժեքները դրսևորվել մեր ազգային մշակույթում և ավանդույթներում։
Ծրագիրը կխթանի նաև միջմշակութային երկխոսությունն ու համագործակցությունը հայ և դանիացի պատանիների միջև, նրանց համար հնարավորություն կընձեռնի ծանոթանալու միմյանց ազգային մշակույթին, ավանդույթներին և արժեքներին։
Թատրոն-ստուդիան կդառնա երկխոսության հարթակ հայ և դանիացի երեխաների միջև՝ միջմշակութային համագործակցության և ժողովրդավարական արժեքների ամրապնդման համար։
Ծրագրի հովանավոր` New Democracy Fund
Ծրագրի գործընկեր` Առաքելություն Արևելք
