Սպորտը հանուն հավասար հնարավորությունների
Ծրագիրը նպատակ ունի Տավուշի մարզում խթանել հաշմանդամություն ունեցող երեխաների սոցիալական ներառումը ֆուտբոլի միջոցով: Ծրագիրը հաշմանդամություն ունեցող երեխաներին հնարավորություն կտա մասնակցելու ֆուտբոլային խաղերին, որը կբարելավի նրանց ֆիզիկական և մտավոր կարողությունները, ինչպես նաև կօգնի զարգացնել սոցիալական հմտություններն ու ինքնավստահությունը:
Ծրագրի խնդիրներն են․
- Մարզի 16 դպրոցներում ներդնել ներառական ֆուտբոլի ծրագիր, որը հավասար հնարավորություններ կստեղծի հաշմանդամություն ունեցող երեխաների համար մասնակցելու այս թիմային մարզաձևին։
- Ծրագրի միջոցառումների միջոցով մարզում բարձրացնել իրազեկությունը հաշմանդամություն ունեցող երեխաների ներառման և հավասար հնարավորությունների կարևորության մասին:
2023 թվականին ծրագրի մոդելը ներդրվել է Իջևանի 4 դպրոցներում՝ հիմնականում կենտրոնանալով ներառական սպորտի թեմաների շուրջ իրազեկվածության բարձրացման և դրական վերաբերմունի ձևավորման հարցերի վրա։ Ծրագրի 1-ին փուլը ավարտվել է 2023-ի դեկտեմբերին: Արդեն մեկնարկել է ծրագրի 2-րդ փուլը, հաջողված փորձը ներդրվել է մարզի Դիլիջան, Բերդ և Նոյեմբերյան համայնքերի 4-ական դպրոցներում։
Գործունեություններ
- Համագործակցել ՀՀ Տավուշի մարզի 16 դպրոցների հետ՝ ներառական ֆուտբոլի թիմեր ստեղծելու համար:
- Տրամադրել համապարփակ ուսուցում թիմերի մարզիչներին և ղեկավարներին՝ ներառական մարզչական մեթոդների վերաբերյալ:
- Կազմակերպել կանոնավոր ֆուտբոլային պարապմունքներ դպրոցների ներառական թիմերի համար՝ կենտրոնանալով նաև հմտությունների զարգացման, թիմային աշխատանքի և ընկերակցության վրա:
- Կազմակերպել ընկերական հանդիպումներ տարածքի այլ դպրոցների հետ՝ խրախուսելու առողջ մրցակցությունը և նպաստելու սոցիալական ներառմանը:
- Ներառական սպորտային կրթության վերաբերյալ սեմինարների անցկացում ուսուցիչների և դպրոցի ղեկավար անձնակազմերի համար:
Ծրագիրը ֆինանսավորում է ՈՒԵՖԱ-ն երեխաների համար հիմնադրամը:
