«Հույսի կամուրջ» հաշմանդամ երեխաների եւ երիտասարդների իրավունքների պաշտպանության հասարակական կազմակերպությունը իր գործունեությունը սկսել է 1996 թ-ին` հիմնադրումից անմիջապես հետո: Մենք ունեինք վարձակալած մի փոքր տարածք և աշխատում էինք 45 հաշմանդամություն ունեցող երեխաների, նրանց քույրերի, եղբայրների ու ծնողների հետ: Սակայն այդ անհրապույր և փոքր կենտրոնը ամենաջերմ անկյունը դարձավ երեխաների և նրանց ծնողների համար: Այդտեղ ծնվեցին և հետագայում իրականություն դարձան մեր հույսերն ու ակնկալիքները և, իհարկե, հավատը մեր առաքելության հանդեպ: Այդտեղ էր, որ միս ու արյուն տրվեց կազմակերպությանը և այն հետագայում իրապես դարձավ հույսի կամուրջ հազարավոր երեխաների և ընտանիքների համար:
Այսօր արդեն «Հույսի կամուրջն» ունի հրաշալի և հարմարավետ կենտրոններ Երևանում և Տավուշի մարզում, ուր շարունակում է կյանքի կոչվել այն տեսլականն ու առաքելությունը, որ ծնվել էր մեր բոլորի հոգում ու մտքում և շարունակում է մնալ մեր մեջ` ստանալով նոր որակներ և ծնելով նոր գաղափարներ:
Մենք շնորհակալ ենք երեխաներին և նրանց ծնողներին, որ հավատում ու վստահում են մեզ և մեզ հետ կամուրջներ են կառուցում շատերի համար: Իսկ կամուրջից այն կողմ դեռ շատ-շատ մեկուսացված երեխաներ և երիտասարդներ կան:
Շնորհակալ եմ նաև մեր պետական կառույցներին, տեղական ու միջազգային բոլոր կազմակերպություններին, և անձանց, ովքեր օգնել են մեզ դառնալու Հույսի կամուրջ հազարավոր երեխաների և ընտանիքների համար:
Մեր տեսլականն այն համայնքն է, որը ներառական է, մատչելի և ապահով բոլորի համար, ուր հաշմանդամություն ունեցող բոլոր երեխաներն ու երիտասարդները ստանում են ներառական և որակյալ կրթություն, ունեն աշխատանք, վաստակում են եկամուտներ ու բոլորի հետ հավասար հիմունքներով ապրում են արժանապատվորեն և ինքնուրույն կյանքով։
Հիմնադրվեց «Արևածաղիկ» ամսաթերթը, որի պատանի լրագրողները տարիներ շարունակ փորձում են մեր հասարակությունն էլ դարձնել այնքան ներառական ու արևոտ, ինչպիսին որ արևածաղիկն է, որի բոլոր սերմերը իրարից շատ տարբեր են և իրար շատ նման ու, շրջապատված դեղին թերթիկներով, կազմում են մի մեծ ծաղիկ, որը միշտ նայում և ձգտում է արևին: Ներառական հասարակություն՝ սա է «Արևածաղիկ» ամսաթերթի լրագրողների տեսլականը: Այսօր հանրապետության շատ անվանի լրագրողներ իրենց առաջին քայլերը սկսել են «Արևածաղիկ» ամսաթերթից:
ՀՀ կրթության և գիտության նախարարության և Տավուշի մարզպետարանի հետ համատեղ Տավուշի մարզի բոլոր 77 հիմնական դպրոցներում փորձարկվեց համընդհանուր ներառական կրթության մոդելը, որը հիմք դարձավ այսօր արդեն ընթացող կրթության քաղաքականության և օրենսդրական մի շարք լուրջ բարեփոխումների, որոնց միջոցով Հայաստանի Հանրապետության հանրակրթության ոլորտը անցում կատարեց համընդհանուր ներառական կրթության համակարգին:
Տավուշի մարզի շուրջ 28000 մարդկանց շրջանում իրականացվեց ուսումնասիրություն, որով սկիզբ դրվեց Հայաստանի սոցիալական պաշտպանության ոլորտի բարեփոխումներին՝ հիմնված Առողջապահության Համաշխարհային կազմակերպության «Ֆունկցիոնալության, հաշմանդամության և առողջության միջազգային դասակարգման» մոտեցումների և սկզբունքների վրա:
Հույսի կամուրջի անմիջական աջակցությամբ ստեղծվեցին 4 նոր հասարակական կազմակերպություններ՝ «Մենք կարող ենք» և «Լռության ձայն» հասարակական կազմակերպությունները Երևան քաղաքում, «Սպիտակ բազե» հասարակական կազմակերպությունը Սպիտակում և «Հավասար հնարավորություններ և հավասար իրավունքներ» հասարակական կազմակերպությունը Վանաձորում: Այս կազմակերպություններն այսօր ոլորտի ամենաակտիվ գործունեություն ծավալող կազմակերպություններից են:
ՀՀ Ազգային ժողովը ընդունեց Հայաստանի Հանրապետության Հանրակրթության մասին օրենքի փոփոխությունները, որով Հայաստանի Հանրապետությունը հռչակեց ներառական կրթությունը, որպես յուրաքանչյուր երեխայի կրթության ապահովման երաշխիք: Սա պատմական որոշում է և Հույսի կամուրջը հպարտ է, որ կանգնած է եղել այս փոփոխությունների ակունքում:
Տարին պատմական եղավ Հույսի կամուրջի համար նաև մեկ այլ ձեռքբերմամբ՝ Հույսի կամուրջը արժանացավ Յունեսկոի միջազգային պատվավոր մրցանակին՝ ներառական կրթության խթանման համար: Սա միջազգային ամենամեծ ճանաչումն է և «Հույսի կամուրջի» անունը գրանցվեց նաև միջազգային տարեգրության մեջ:
«Հույսի կամուրջը» ՀՀ կրթության և գիտության նախարարության հետ համատեղ Տավուշի մարզի համընդհանուր ներառական կրթության փորձը ներդրվեց Սյունիքի մարզում: Մարզի հատուկ դպրոցները վերակազմակերպվել են մանկավարժահոգեբանական աջակցության ծառայությունների։ 78 հաշմանդամություն ունեցող երեխաներ այլևս չեն ապրում հաստատությունում, նրանք իրենց ընտանիքներում են և հաճախում են սովորական դպրոցներ:
«Հույսի կամուրջը»՝ ՀՀ կրթության և գիտության նախարարության հետ համատեղ, Տավուշի մարզի համընդհանուր ներառական կրթության փորձը ներդրվեց Լոռու մարզում: Մարզի 3 հատուկ դպրոցները դարձան մանկավարժահոգեբանական աջակցության ծառայություններ՝ հանրակրթական դպրոցների համար։ Կազմակերպության «Աշխատանքի և արժանապատիվ կյանքի իրավունք» ծրագիրը Zero Project համաշխարհային ցանցի գնահատականով ճանաչվել է զբաղվածության ու միջմասնագիտական կրթության ոլորտի լավագույն ծրագրերից մեկը:
«Հույսի կամուրջը» աջակցեց ՀՀ կրթության և գիտության նախարարությանը՝ համընդհանուր ներառական կրթության փորձը ներդնելու Գեղարքունիք և Կոտայք մարզերում։ Մարզերի երկու հատուկ դպրոցները դարձան մանկավարժահոգեբանական աջակցության ծառայություններ հանրակրթական դպրոցների համար։ Նույն տարին կազմակերպության «Նախադպրոցական հաստատություններում ներառական կրթական միջավարի խթանում- SMILE» ծրագիրը Zero Project համաշխարհային ցանցի կողմից ճանաչվեց որպես ներառական նախադպրոցական կրթության ոլորտում նորարարություն և երկարաժամկետ ներգործություն ապահովող լավագույն ծրագրերից մեկը:
«Հույսի կամուրջը» նշեց իր 25-ամյակը։ Անցած այս 25 տարիների ընթացքում կազմակերպությունը հաջողությամբ իրականացրել է ավելի քան 100 ռազմավարական նախաձեռնություններ և ծրագրեր՝ շուրջ 150 դոնորների և գործընկերների անգնահատելի աջակցությամբ: Այս ջանքերը հանգեցրել են կայուն փոփոխությունների՝ դրականորեն ազդելով հաշմանդամություն ունեցող ավելի քան 3000 երեխաների և երիտասարդների կյանքի վրա: «Հույսի կամուրջը» շարունակում է նվիրված լինել իր առաքելությանը` կայուն փոփոխություն մտցնելու նրանց կյանքում, ում ծառայում է:
2022 թվականին Հայաստանի Հանրապետության հանրակրթական բոլոր դպրոցներում ներդրվեց համընդհանուր ներառական կրթության համակարգը։ «Հույսի կամուրջը» հպարտ է, որ կանգնած է եղել պատմական այս նվաճման ակունքներում և դեպի այս նվաճումը տանող ճանապարհի առաջնագծում՝ սկսած փորձնական նախաձեռնություններից և օրենսդրական բարեփոխումներից մինչև համընդհանուր ներառական կրթության համակարգի լիակատար ներդրումը։
«Հույսի կամուրջը» չի շեղվում դեռևս 27 տարի առաջ որդեգրած իր առաքելությունից և 2023-2027 թթ. ջանքերը շարունակելու են ուղղված լինել հաշմանդամություն ունեցող երեխաների և երիտասարդների իրավունքների իրացման համար անհրաժեշտ ներառական, արդար և իրավունքների վրա հիմնված օրենքների, ռազմավարությունների և գործընթացների ստեղծմանն ու բարելավմանը, դրական վերաբերմունքի ձևավորմանը Հայաստանում։
Մենք կոչ ենք անում բոլոր անհատներին և կազմակերպություններին աջակցել «Հույսի կամրջին»՝ հասնելու 2027 թվականի իր ռազմավարական տեսլականին: Ձեր աջակցությունը կօգնի մեզ վերափոխելու հաշմանդամություն ունեցող հազարավոր երեխաների և երիտասարդների կյանքը: Միասին թողնենք կայուն ազդեցություն և կերտենք ավելի անկախ և արժանապատիվ ապագա բոլորի համար:
Նվիրաբերե՛ք այսօր և դարձե՛ք փոփոխության մի մասը:
Մեր առաքելությունն է պաշտպանել հաշմանդամություն ունեցող երեխաների և երիտասարդների իրավունքները, որպեսզի նրանք ստանան որակյալ ներառական կրթություն, ունենան աշխատանք արժանապատիվ և անկախ կյանքի համար և իրենց ներդրումը բերեն մեր երկրի զարգացմանը և հզորացմանը:
Ծանոթացեք մարդկանց և հաստատություններին, որոնք առաջ են մղում մեր նպատակները:
Նախագահ
Իջևանի մասնաճյուղի տնօրեն
Դիլիջանի մասնաճյուղի տնօրեն
Նոյեմբերյանի մասնաճյուղի տնօրեն
Բերդի մասնաճյուղի տնօրեն
Գլխավոր հաշվապահ
Ծրագրերի համակարգող
Հանրային կրթության պատասխանատու
Հանրային կապերի պատասխանատու
Հասարակայնության հետ կապերի պատասխանատու
Ճանաչեք մեր կամավորներին, ովքեր աջակցում են մեզ՝ մեր ծառայությունները մատուցելու հարյուրավեր հաշմանդամություն ունեցող երեխաների և երիտասարդների։ Նրանք օգնում են մեզ վերացնել մեր ընկալումներում և միջավայրում առկա խոչընդոտները, որպեսզի մեր շահառուները ունենան հավասար հնարավորություններ կրթություն ստանալու, աշխատելու և ապրելու իրենց կյանքը արժանապատվորեն և անկախ։
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Կամավոր
Դարձիր մեր կամավորը և փոխիր հաշմանդամություն ունեցող երեխաների և երիտասարդների կյանքի որակը։ Քո ժամանակն ու նվիրվածությունը կօգնի մեզ ստեղծելու ավելի ներառական և մատչելի համայնքներ, ուր յուրաքանչյուր ոք կարող է հաջողել։